Nawasalimu wote kwa jina la Bwana wetu Yesu Kristo!!.

Kikundi chetu kinaendelea kukua na kustawi, huu ni mchango wa kila mmoja wetu katika kukiendeleza kikundi chetu kupitia maombi, michango, mikopo na mali zetu ili kufikia malengo yetu tuliyojiwekea.

Sisi kama viongozi wa kikundi tunawajibu wa kusimamia yale mnayo tutaka kuyafanya. Kwa maneno hayo niwaombe ndugu zangu wana WYT kusoma na kupitia miongozo ya kikundi zikiwemo sheria na kanuni mara kwa mara kujikumbusha lakini pia kuweka mikakati binafsi katika utekelezaji.

Uongozi tumejipanga kusimamia mambo matano kwa ufanisi zaidi

1. Kuhakikisha usalama wa fedha na mali za kikundi
2. Kusimamia sheria na kanuni tulizojiwekea
3. Kuusimamia mpango mkakati wetu wa miaka mitano kama ipasavyo
4. Utoaji wa mikopo kwa wakati na kwa ukamilifu
5. Kuendelea kuhamasisha utoaji wa michango kwa wakati na kufanya marejesho kwa mujibu wa kanuni na sheria zetu.

Kwa hayo nawatakia utafutaji mwema na uwekezaji mwema wana WYT wenzetu, tuendelee kupendana na kusaidiana pale mwenzetu anapokwama, kwa sehemu kubwa majukumu mengi na makubwa yapo mabegani mwetu hatuna Mjomba wakulinda tunu za WYT.

Ahsanteni

 

Edson Rwambogo